Активносци Червеного крижу Кула

Кула, 12.09.2019.

Червени криж Кула у наиходзацим периодзе планує рижни активносци.

Перша на шоре то означованє 14. септембра Шветового дня першей помоци, а з тей нагоди Червени криж Кула у сотруднїцтве зоз кулскима основнима школами „Иса Баїч“ и „Петефи бриґада“ привитаю школярох пиятей класи хтори заинтересовани за формованє екипи подмлатку же би нарок першираз участвовали на змаганю зоз першей помоци, виявела Неда Раячич, секретар Червеного крижу зоз Кули.

Вона тиж наявела ище акциї зоз школами, як цо то безпечносц дзецох у транспорту, обегованє за щешлївше дзецинство хторе хуманитарного характеру, як и означованє Шветового дня борби процив тарґовини з людзми.

Попри акцийох зоз школами, Червени криж Кула реализує и обуки першей помоци за занятих, а тиж поволую и шицких добродзечних давательох креви же би ше одволали на ище єдну акцию хтора будзе 19. септембра у Червинки.

Komentari

Ostavi komentar:

Preuzmite Q Media aplikaciju