Гужви на гранїчних преходох

Сербия, 06.08.2018.

Перши викенд у авґусту приноши ище єдну габу туристох. Найобтерхованши коридор 10 у напряме ґу Болгарскей и Македониї, зоз подобну ситуацию у процивним напряме ґу Горватскей и Мадярскей.

Пре векши прилїв превозкох формую ше колони и кус длугши затримованя на даєдних наплатних рампох и гранїчних преходох, сообщел Авто-мото союз Сербиї. По ранших податкох Управи гранїченй полициї, на Келебиї на виходзе зоз Сербиї чеканя 120 минути, а на уходзе половку менєй, покля ше на Горґошу на видзодзе зоз жеми чека коло 90 минути.

На виходзе зоз жеми ше на Батровцох затримує коло єдну годзину, а на уходзе до Сербиї на преходзе Шид годзину и пол. Транспорт змоцнєни и на других фреквентних преходох. Пре обчековани моцнєйши прилїв превозкох и початок ище єдней габи змоцнєного транспорта, вожачом ше препоручує хаснованє менєй фреквентних гранїчних преходох.

РТВ

Komentari

Ostavi komentar:

Preuzmite Q Media aplikaciju