Дзеци нащивели предсидателя Општини

Кула, 09.10.2019.

У рамикох Дзецинского тижня, дзеци зоз ПУ „Маслачак“ зоз Кули уж традицийно нащивели предсидателя Општини Кула Дамяна Милянича. Дзеци предсидательови пририхтали колаж рисункох на дарунок, а одшпивали му и даскельо шпиванки хтори порихтали вєдно зоз воспитачками.

Предсидатель Милянич их перше дочекал у своїм кабинету, потим вєдно обишли салу Скупштини општини а на концу нащивели и Святочну салу у хторей за дзеци було порихтане послуженє и пригодни дарунки.

Дзеци мали нагоду предсидательови поставяц питаня, а найвецей их интересовали каждодньово теми, як и тоти хтори ше дотикаю паркох за бавенє и безпечносци коло школох и предшколских установох.

Воспитачка Марта Лазович гварела же дзци були барз возбудзени пре стретнуце зоз предсидательом и же мали нагоду директно му пренєсц свойо жаданя.

Komentari

Ostavi komentar:

Preuzmite Q Media aplikaciju