Друга шанса за диплому основношколского образованя

Кула, 16.09.2019.

У ОШ «Петефи бриґада» у Кули, одроснути особи без основней школи маю нагоду безплатно и по прилагодзеним програму дойсц до дипломи за закончену основну школу.

Наставни програм ше реализує у трох циклусох, перши циклус од 1. по 4. класу, други циклус од 5. и 6. класа и треци циклус 7. и 8. класа од 14. октобра по початок априла зоз жимским розпустом.

После законченей Основней школи, кандидати маю нагоду закончиц фахову обуку за одредзени фах, по поволанки Националней служби за обезпечованє роботи. Остатнїх рокох 115 одроснути особи зоз Кулскей општини достало свидоцтво о законченей основней школи.

Заинтересовани кандидати зоз шицких местох општини  Кула можу ше приявиц до Националней служби за обезпечованє роботи у Кули и Сивцу, або до школи «Петефи бриґада» у хторих достаню шицки подробнєйши информациї, а єдини услов то же кандидат муши мац найменєй 15 роки старосци.

Драгово трошки и орґанизовани превоз обезпечени, а настава подполно прилагодзена мири и искуствию одроснутей особи, тирва коло 2 годзини у чаше кеди одвитує шицким кандидатом по догварки.

Komentari

Ostavi komentar:

Preuzmite Q Media aplikaciju