Конститутивна схадзка СО Кула 24. януара

Кула, 03.01.2019.

На остатнєй схадзки Дочасового орґану општини Кула, отриманей 31. децембра, прилапене предкладанє одлуки о буджету општини Кула за 2019. рок, хтори инвестицийни и виноши милиярду 833 милиони 793 тисячи динари. У тим року планована реконструкция парку у центре Кули, а тиже ше планує и ушоренє центра Сивцу и Липару, як и предлуженє роботох на водоводней мрежи и индустрийней зони у Кули. Тиж так, зоз тим буджетом плановани и укладаня до драговей инфраструктури и воспитно образовних установох.

Истого дня, предсидатель Дочасового орґану општини Кула Велибор Милоїчич зволал конститутивну схадзку Скупштини општини Кула хтора заказана за 24. януар 2019. року. На схадзки, попри потвердзованя мандатох одборнїком, будзе вибрани и предсидатель Општини як и його заменїк.

Най надпомнєме, на локалних виберанкох 16. децембра, найвецей мандати, аж 26 од 37 достала лїстина Сербскей напредней странки.

Komentari

Ostavi komentar:

Preuzmite Q Media aplikaciju