Отримана 7. схадзка СО Кула

Кула, 19.09.2019.

Отримана седма по шоре схадзка СО Кула, на хторей скорей прилапйованя Дньового шору, предсидатель Скупштини Велибор Милоїчич обвисцел одборнїкох же одборнїк Драґутин Медоєвич приступел одборнїцкей ґрупи „Александар Вучич – прето же любиме Кулу“ и же тераз тота ґрупа ма 22 одборнїкох.

Потим на схадзки прилапени предклад Одлуки о консолидованим Закончуюцим рахунку буджету Општини Кула за 2018. рок и Звит о вивершеню Одлуки о буджету Општини Кула тиж за 2018. рок, як и Звит о вивершеню одлуки буджету Општини Кула за период од януара по юний чечуцого року.

На дньовим шоре було и розпатранє Звиту о дїлованю ЯКП „Руском” зоз Руского Керестура за 2018. рок, як и одлука о розподзельованю приходох спомнутого явного подприємства котру принєсол надпатраюци одбор, шицко за 2018. рок.

Прилапени и Ришеня о даваню согласносци на Програми роботи зоз финансийнима планами установох котрим Општина Кула снователь за 2020. рок – Културного центру Кула, Дому култури Червинка, Дому култури Руски Керестур и Народней библиотеки Кула.

З приношеньом єдней спомедзи одлукох, до Надпатраюцого одбору Дома култури Руски Керестур, на место Александра Тасича меновани Владимир Емейди.

Komentari

Ostavi komentar:

Preuzmite Q Media aplikaciju