Отримани "Днї традициї" у Кули

Кула, 09.09.2019.

Всоботу, 7. септембра, на спортских теренох Гедер у Кули отримана 12. манифестация „Днї традициї“ хтору орґанизовал Мадярски културни центер „Непкер“.

Манифестация почала зоз приходом делеґациї зоз побратименого варошу Калоча зоз Мадярскей, хтора до Кули допутовала по Дунаю веслаюци на кануох.

У оквиру тей Манифестациї, нащивителє мали нагоду участвовац у традиционалним вареню паприґашу зоз овчецини, а у културней часци програми наступели секциї „Непкеру“, КУД „Сербия“ зоз Кули и члени Дома култури зоз Руского Керестура.

Попри делеґациї зоз Калочи, присутни були и представителє покраїнскей Влади, локалней самоуправи, представителє националних меншинох и церковних заєднїцох.

З тей нагоди предсидатель општини Кула Дамян Милянич виявел же „Днї традициї“ насампредз представяю културу мадярского народу хтори жиє у нашей Општини, алє то источашнє и днї сербского госцопримства прето же указує нашо одношенє спрам шицких народох хтори ту жию, виявел Милянич и виражел окремне задовольство зоз сотруднїцтвом помедзи Кулу и Калочу.

Komentari

Ostavi komentar:

Preuzmite Q Media aplikaciju