У Керестуре соботу бул ''Домашнї шпайз"

Руски Керестур, 15.10.2019.

У центру Руского Керестура всоботу 12. октобра отримана манифестация „Єшеньски домашнї шпайз“, хтору орґанизовало Здруженє женох „Байка“ зоз Руского Керестура.

На розличних штандох, свойо продукти предавали жени зоз Здруженя женох „Байка“, Михайло Фейди понукал свой познати айвар „Задолїнєц“, Олена Рац предавала домашнї соки, Микола Винаї мелку паприґу а Таня Югас понукала домашню жимнїцу.

З оглядом же сезона обераня паприґи ище нє готова а хвиля була красна, як и пре тото же исти дзень у Кули була орґанизована манифестация „Днї бундави“, нашивительох и купцох соботу у Керестуре нє було вельо, алє як наявели орґанизаторе то лєм перши єшеньски шпайз у Керестуре, а будзе их ище.

Komentari

Ostavi komentar:

Preuzmite Q Media aplikaciju