У керестурскей школи отримане преподаванє о ''еТвининґ'' платформи

Руски Керестур, 24.10.2019.

У керестурскей школи ''Петро Кузмяк'' вчера отримане преподаванє за наставнїкох и професорох зоз вецей школох зоз нашей Општини. Преподаванє на тему ''Хаснованє еТвининґ платформ'' як потримовки у проєктней настави отримал  Звонко Ґашпарович, професор електро ґрупи предметох зоз Електро-технїчней школи ''Михайло Пупин'' у Новим Садзе. То було уводне преподаванє за початнїкох, же би наставни кадер могол хасновац тоту платформу у своєй роботи.

''еТвининґ'' платформа то интернет портал хтори повязує занятих у школских и предшколских установох ширцом Европи зоз цильом же би им оможлївела най вєдно здумую и запровадзую проєкти, розменюю идеї и приклади добрей пракси, повязую школярох и збогацую наставу.

''еТвининґ'' портал промовує сотруднїцтво школох у Европи и ширше прейґ информацийно-комуникацийних технолоґийох, понукаюци помоц, потримовку и готови алати.

Komentari

Ostavi komentar:

Preuzmite Q Media aplikaciju