Фабрика води у Керестуре приоритет Совиту МЗ општини Кула

Мали Стапар, 26.09.2019.

На инициятиву предсидателя Совиту месних заєднїцох општини Кула, Бобана Дамяновича, на Малим Стапару отримана роботна схадзка секретарох месних заєднїцох зоз Кули, Зомбору, Апатину, Оджаку и Бачу. На схадзки окреме було слова о наиходзацим буджету за 2020. рок, як и о приоритетох и проєктох хтори треба реализовац у наиходзацим периодзе.

Спрам словох Бобана Дамяновича, то лєм єдна од планованих схадзкох, хтори за циль маю же би ше злєпшала робота месних заєднїцох по рижних питаньох хтори ше дотикаю конкретних потребох гражданох на локалним уровню.

Вон окреме визначел важносц вибудови фабрики води у Крущичу и Руским Керестуре, преширенє драги Крущич – Руски Керестур, вибудов канализацийней мрежи у Сивцу, як и реконструкциї Дома здравя и дзецинскей амбуланти у Сивцу, за хтору уж обезпечени средства зоз висших нивоох власци.

Шлїдуюца схадзка будзе отримана 24. октобра у Апатину.

Komentari

Ostavi komentar:

Preuzmite Q Media aplikaciju