КУЛА, 02.10.2024. – Єшєньски фестивал квеца у Кули будзе отримани на пияток и соботу, 4. и 5. октобра, у улїци Йосипа Крамера. През два днї, од 8 по 18 годзин, нащивителє годни уживац у квецу, природи и рижних фарбох єшеньских аранжманох квеца. Буду мац нагоду почувствовац єшень през пахи и фарби квецох, уживац у приємней атмосфери, годни пренайсц совершени рошлїни за свой дом або заграду, а годни и дознац дакус вецей о тим як ше треба старац о рошлїнох. Тиж будзе нагоди повязац ше зоз локалнима продукователями и достац вредни совити, сообщене зоз Туристичней орґанизациї Општини Кула.
Извор: Qmedia
