КУЛА, 07.10.2024. – Єшеньски фестивал квеца отримани того викенду у Крамеровей улїци у Кули. Гоч хвиля нє була вигодна, понеже було похмарене и падал диждж, то нє зопарло нащивительох же би ше прешейтали од Пошти по мост, дзе ше находзели штанди зоз квецом, прикрасками, поживу, лакотками и другима домашнїма продуктами.
Того року, Фестивал квеца позберал вецей як 100 викладачох зоз цалей Сербиї хтори зоз собу принєсли найкрасше квеце, вецейрочни рошлїни, гарчки зоз глїни и шицко цо потребне за заградку. Векшина не першираз у Кули, а як визначели, дзечнє приходза кажди рок понеже, як гварели, гражданє Кули и околїска любя квеце и дзечнє го купую.
Извор: Qmedia
