БЕОҐРАД, 07.10.2024. – Институт за явне здравє „Др Милан Йованович Батут“ сообщел же за тоту сезону поручени 339.100 дози вакцини процив ґрипи. Як ше наводзи, роби ше о штировалентних вакцинох продукователя Абот Биолоджикал и тровалентних вакцинох Института „Торлак“.
У складзе зоз Правилнїком о програми обовязней и препорученей имунизациї запровадзує ше обовязна имунизация особох у окремним ризику од чежких формох и компликацийох ґрипи.
Як ше наводзи, то ваготни жени, особи зоз поремеценьом плюцовей и кардиоваскуларней системи, метаболичнима поремеценями, покруткову дисфункцию, хронїчнима неуролоґийнима поремеценями, малиґнима хоротами, старши од 65 рокох и члени фамелиї хоротнїкох у звекшаним ризику од компликацийох.
Извор: Институт за явне здравє
