РУСКИ КЕРЕСТУР, 14.10.2024. – СУБНОР Општини Кула отримал пияту схадзку Предсидательства. Схадзка отримана у просторийох Месного здруженя СУБНОР Руски Керестур, а на дньовим шоре було седем точки: прилапйованє записнїка зоз штвартей схадзки, информациї о активносцох здруженя медзи двома схадзками, звити предсидательох месних орґанизацийох, информация о формованю месних одборох у Червинки и Крущичу, пририхтованє за означованє 20. октобра Дня ошлєбодзеня, звит Надпатраюцого одбора за закончуюци рахунок за 2023. рок и питаня и предкладаня.
Кед слово о значнєйших темох тей схадзки, треба надпомнуц же у юлию окончене побратименє зоз СУБНОР-ом Херцеґ Нови, як и тото же ше напредовало кед слово о просторийох того здруженя.
Предсидатель СУБНОР-у општини Кула Жарко Попович, а подпредсидатель за Руски Керестур Славко Пап.
Извор: СУБНОР
