БАЧАЛМАШ, 14.10.2024. – У рамикох програми прейґгранїчного сотруднїцтва Мадярска – Сербия, општина Кула вєдно зоз општину Бачалмаш зоз Мадярскей розпочала заєднїцки проєкт под назву „Локални людзе и локални продукти без гранїцох“. У рамикох проєктних активносцох у Кули отримана перша схадзка на хторей дефиновани активносци и цилї проєкта хтори два општини буду запровадзовац у наиходзацим периодзе, а урядови початок проєкта, на хторим присуствовали представнїки Општини Кула, отримане у Бачалмашу.
У нащиви Бачалмашу, делеґация зоз Кули нащивела продукцийни погон локалних продуковательох, як и предавальню у хторей ше предаваю продукти, а у хторей заняти социялно загрожени и нє заняти особи.
Циль того проєкту же би ше злєпшало прейґгранїчне институцийне и цивилне сотруднїцтво през гармонични сушедни одношеня и сотруднїцтво. Проєкт за циль ма змоцньованє черанки искуствийох медзи социялнима подприємствами и локалного жительства, односно продуковательох, розвиванє капацитетох и зменшованє законскей и административней бариєри за прейґгранїчне сотруднїцтво.
Извор: Qmedia
