БЕОҐРАД – Польопривредни продукователє од 15. октобра можу евидентовац польопривредну жем хтору фактично обрабяю без реґулованей правней основи зоз власнїком, обявела Управа за аґрарни плаценя Министерства польопривреди, лєсарства и водопривреди.
По явней поволанки, евидентованє ше окончує прейґ порталу електронского реґистру польопривредних ґаздовствох еАґрар.
Польопривреднїки до евиденциї можу унєсц польопривредну жем хтору обрабяю у комасацийним подручу, цо мож потвердзиц зоз записнїком о утвердяованю фактичного стану комисиї за комасацию єдинки локалней самоуправи.
Можу уписац и польопривредну жем хтору обрабяю, за хтору у цеку оставинска розправа а жем ище нє уписана на власнїка у катастру нєрухомосцох, кед власнїк дошлєбодзи же би ше жем обрабяла и евидентовала у чечуцим року.
Извор: РТВ