РУСКИ КЕРЕСТУР, 18.10.2024. – У Основней школи и ґимназиї “Петро Кузмяк“, з нагоди Еразмус тижня, 17. октобра отримани забавни квиз за школярох ґимназиї.
У рамикох промотивних активносцох Еразмус тижня и проєкту Медийска писменосц за европску будучносц, школяре II1 и III1 оддзелєня у голу керестурскей школи пририхтали квиз за школярох перших класох ґимназиї. Квиз бул забавного характеру а за циль мал промовованє Еразмус проєктох и европских вредносцох.
Зоз каждого одзелєня вибрани по двойо учашнїки хтори одвитовали на питаня углавним вязани за Европску унию и Еразмус проєкти. Треце место завжала екипа I3 оддзелєня, други були представнїки II2, а найлєпши були школяре I1 оддзелєня ґимназиї на руским язику. Шицки учашнїки достали и награди.
Извор: РТВ
