Кула, 31.10.2024. – После вифарбйованки, хтору дзецом у предшколскей установи “Сунчица”, спред Совиту за транспорт општини Кула подаровал заменїк предсидателя Општини Кароль Валка, кнїжку “Пажлївково правила у транспорту” на дарунок достали и першокласнїки зоз Основней школи “Петефи бриґада”.
Кнїжки за звладованє транспортних правилох подаровани дзецом хтори наставу провадза на мадярским язику, а достаню ю и шицки школяре перших класох зоз териториї цалей општини Кула.
По словох Кароля Валку, Совит за транспорт кнїжки дарує уж роками и реакциї вше позитивни, а ту ище и други акциї хтори чуваю дзеци од можлївих опасносцох у транспорту.
Директор школи Чаба Пожар визначел же им кнїжки барз значни и же ше тота акция указала як наисце добра пракса.
Извор: Qmedia
