Кула, 01.11.2024. – У Шветочней сали Скупштини општини Кула, стреду 30. новембра, отримани обука и роботнї на тему „Можлївосци позиционованя општини Кула на туристичней мапи Сербиї“. Обуку орґанизовала Туристична орґанизация општини Кула, под покровительством Министерства туризма и младежи.
Спатрени хвилькови стан, як и потреби, можлївосци и потенцияли за розвой туризма, а на обуки участвовали шицки поднїмателє и здруженя чия дїялносц вязана за туризем.
Присутним бешедовали проф. др Мирослав Кнежевич, декан Факултета за туристични и готелиєрски менаджмент Универзитета Синґидунум, менаджер корпоративних комуникацийох у компаниї „Нестле Адриа“ Милица Миланович, предсидатель Управного одбора Центру за виглєдованє и студиї туризма зоз Нового Саду др Милан Дюлич и предсидатель Општини Кула Дамян Милянич.
На схадзки визначене же Општина Кула ма вельки потенциял и можлївосци кед у питаню сектор туризма, з оглядом на тото же єст достаточне число капацитетох за змесценє туристох.
Предсидатель Општини Кула Дамян Милянич гварел же туризем значни и комплексни сеґмент, прето же облапя и инфраструктуру и туристични потенцияли як и понуканє. Вон наглашел же Општина вельо зробела же би туризем змоцнєл и додал же вельке богатство општини то образована роботна моц и школяре зоз туристичного напряму школи зоз Руского Керестура хтори зазначую вельки успихи.
Извор: Qmedia
