Кула, 05.11.2024. – Ювилейне 50. виданє Медзигородскей вистави дробних животиньох отримане прешлого викенду у Кули, у сали Основней школи „Петефи бриґада“. Перши дзень судийове одценьовали характеристики животиньох, други дзень отримане купованє и предаванє а додзелєни и припознаня. Орґанизатор вистави було Здруженє за защиту и одхов дробних животиньох „Кула“, а ґенерални спонзоре були Општина Кула и Туристична орґанизация општини Кула. Окрем виложених животиньох, у сали були и штанди здруженьох „Идея“, „Непкер“ и „Еко Кула“.
На вистави було вецей як 600 голуби и коло 140 фалати малей и велькей живини, 60 птици и велї други дробни животинї. Милан Йокич, предсидатель Здруженя за защиту и одхов дробних животиньох „Кула“, гварел же єден таки ювилей зоз собу ноши и одвичательносц и обовязку же би тота вистава предлужела жиц. Главни порушовач вистави, як додал Йокич, то любов ґу тей роботи, без було якого финансийного мотива.
Предсидатель Општини Кула, Дамян Милянич, визначел же локална самоуправа розуми значносц тей манифестациї, та и у рокох хтори пред нами будзе мац потримовку Општини, же би була вше лєпша.
Извор: Qmedia
