Кула, 14.11.2024. – У Спомин парку у центру Кули, 8. новембра, у орґанизациї Здруженя воєних инвалидох општини Кула, положени венци за борцох хтори погинули од 1990. по 1995. рок. Попри членох здруженя и фамелийох погинутих, венци положели представнїки општинскей управи, предсидатель општини Дамян Милянич, заменїк предсидателя Кароль Валка и началнїца општинскей управи Александра Ґаґович.
Предсидатель Здруженя воєних инвалидох општини Кула Ґоран Новкович, визначел же покладанє венцох од идуцого року будзе часц активносцох хтори будзе реализовац општина Кула.
Предсидатель Општини Кула Дамян Милянич наглашел же Памятнїк у парку вибудовани на централним месце у Кули же би шицки хтори преходза през Кулу прешли коло нього и же би ше кажди дзень здогадовали геройских дїлох тих особох.
Извор: Qmedia
