Войводина, 15.11.2024. – Покраїнски секретарият за социялну политику и демоґрафию розписал конкурс за додзельованє безповратних средствох фамелийом у хторих ше народзи треце або штварте дзецко, за ришованє квартельного питаня.
Право участвовац на конкурсу маю фамелиї (малженски або звонка-малженски заєднїци), як и фамелиї з єдним родительом, у хторих ше од початку 2023. року народзело треце або штварте дзецко. Родичи хтори достали средства по прешлих конкурсох нє можу ознова конкуровац на основи народзеня истого дзецка.
Учашнїки конкурса можу апликовац за купованє нєрухомосци и за добудов, односно адаптацию и чечуце отримованє постояцей нєрухомосци. Мож достац найвецей милион и пол динари, а вкупни средства хтори ше додзелюю виноша 250 милиони динари.
Конкурс отворени 13. новембра а тирва петнац днї. Упутства и документацию за прияву мож превжац зоз сайту Покраїнского секретарията за социялну политику и демоґрафию www.socijalnapolitika.vojvodina.gov.rs.
Извор: Qmedia
