Кула,21.11.2024. – Локална акцийна ґрупа “Шерцо Бачки” зоз Кули почина проєкт “Мали бизнис за вельку фамелию”, з цильом же би през три єднодньово студийски нащиви, насампредз за фамелиї з дзецми, приказали модел успишних малих фамилийних бизнисох и же би ше локалне жительство додатно мотивовало за розпочинанє власного бизнису. Циль тиж и же би фамелийом оможлївело заєднїцке пребуванє и квалитетно виполнєти час и друженє през реализацию фамелийного вилєта.
Зоз Локалней акцийней ґрупи “Шерцо Бачки” поволую шицких заинтересованих же би ше приявели за єдну од студийских нащивох, хтора облапи нащиву Сримских Карловцох, обисцох на Фрушкей гори зоз роботнями за дзеци и старших, нащиву знаменїтосцох Фрушкей гори, як и роботню и полудзенок у ресторану на Дунаю.
Термини за реализацию нащивох 23., 24. и 30. новембер, рушело би ше зоз Кули на 7.30 годзин, зоз Вербасу на 7.45 годзин а назад коло 18 годзин.
Приявиц ше мож виключно прейґ СМС порученя на число телефона 060/49-61-961, а у порученю треба визначиц датум путованя и мена и презвиска членох фамелиї и їх роки. Прияви тирваю од 15. по 20. новембер.
Проєкт ше реализує зоз средствами Министерства за старанє о фамелиї и демоґрафию Влади Републики Сербиї, а реализує го Локална акцийна ґрупа “Шерцо Бачки” Кула.
Извор: ЛАҐ “Шерцо Бачки”
