Кула, 11.12.2024. – Општина Кула того року по першираз орґанизовала шветочносц за найлєпших спортистох хтори ше визначели зоз одличнима резултатами на змаганьох и на таки способ представели свойо клуби и Општину на державних, европских и шевтових змаганьох. Найлєпши спортисти наградзени зоз по 60.000 динари, а тота награда будзе традицийна и у идуцих рокох будзе ше додзельовац поєдинцом, тренером або клубом за окремни резултати.
Того року, награди достали Урош Пролич и Марко Крагуль зоз Рукометного клубу „Червинка“, Матеа Калмар, Михайло Крнаяц и Александра Дїкич зоз Карате клубу „Хайдук“, Елена Баткович зоз Пасовацкого клубу „СМД“ и Владимир Остоїч зоз „Констриктор файт тима“. Награду достала и бодибилдерка зоз Руского Керестура Илона Зарубица, як и Здравко Мишович спред Атлетского клуба „Хайдук маратон тим“ и Деян Тешич спред „Констриктор файт тима“.
Спортистом награди уручел предсидатель Општини Кула Дамян Милянич, хтори визначел же и скорей була пракса же би ше направел приєм за найлєшпих спортистох поєдинєчно, а тераз ше их позберало вєдно же би им були уручени окремни припознаня за одлични резултати.
Извор: Qmedia
