Кула, 20.12.2024. – Туристична орґанизация Сербиї додзелєла награди „Туристични квет“ за 2024. рок. За найлєпши електронски або друковани медий, за представянє Сербиї як туристичней дестинациї, преглашена Емисия „Виволай авантуру“ автора Радована Ковача зоз Кули.
Ковач подзековал шицким хтори патра емисию и без хторих би єй нє було. „Шведкове зме же риялити програм и чарна хронїка нєшка найпатренши змисти. У морю таких змистох, кед ши нє сиґурни до своєй роботи, придзе така награда хтора дава надїю и виру же заш лєм єст людзох хтори провадза и почитую тото цо ми робиме. Дзекуєм Туристичней орґанизациї Сербиї же провадзи нашу роботу и обецуєм же предлужиме робиц на промоциї Сербиї, наздавам ше, и на интернационалним уровню“, поручел Ковач.
Тота престижна награда додзелює ше длужей як 39 роки за значни витвореня у подзвигованю квалитету туристичних услугох, як и за доприношенє розвою, злєпшаню и промоциї туризма, физичним и правним особом у Сербиї.
Извор: Qmedia
