Беоґрад, 19.02.2025. – У Атлетскей гали у Беоґрадзе отримане Першенство Сербиї за младших и старших пионирох. Першого дня наступели старши пионире, а барз добри резултат зазначел атлетичар „Червинки“ Павле Зорич, хтори завжал друге место у скаканю до висока. Попри нього наступел и атлетичар „Гайдук Маратон тима“ Лука Бублич, хтори ше змагал на 60 и 300 метери и у другей дисциплини завжал дзешате место.
Кед слово о катеґориї младших пионирох, хтора була на програми другого дня, атлетичаре зоз кулскей општини тиж зазначели одлични резултати, та так у обегованю на 800 метери Михайло Миятович завжал треце, а Вукашин Бошняк штварте место. Обидвоме наступели спред „Гайдук Маратон тима“.
Ту нє конєц успихом, понеже у женскей конкуренциї на 800 метери атлетичара „Червинки“ Йована Булатович завжала друге место, покля у скоку до висока тиж друге место завжала атлетичарка „Русина“ Валентина Надь.
Извор: Qmedia
