Kула, 22.05.2025. – Вовторок, 20. мая вечар, отримани протест гражданох на площи опрез будинку Општини Кула, под час хторого зоз будинку Општини Кула зняти и запалєни транспарент зоз написом „Препадла вам офарбена револуция“, хтори пред тим поставени на тот будинок.
Источашнє у парку прейґ драги, опрез просторийох странки, позберали ше симпатизере Сербскей напредней странки. На початку було мирно, алє ситуация ескалирала кед часц учашнїкох протесту прешол улїчку и рушел ґу парку, дзе пришло до вербалного зраженя двох бокох. По черанки уквильованьох и галайку, зраженє у єдней хвильки преросло и до физичного обраховйованя зоз руцаньом каменьох, фляшох и пиротехнїки. Припаднїки полициї швидко реаґовали и роздвоєли спроцивени боки и на таки способ зопарли дальшу ескалацию. По нєурядових информацийох зоз терену, даскельо особи лєгчейше покалїчени.
Извор: Qmedia
