Нови Сад – Предсидателька Покраїнскей влади Мая Ґойкович, уручела контракти о додзельованю финансийних средствох представнїком 29 локалних самоуправох у Автономней покраїни Войводини, медзи хторима и Општина Кула.
Наша општина достала средства у суми приблїжно 28 милиони динари за финансованє проєкту „Вибудов водоводней мрежи у населєню Нова Червинка – законченє першей и друга фаза“. Средства обезпечени прейґ управи за капитални укладаня АП Войводини, у рамикох вкупней потримовку у суми 2,64 милиярди динари за реализацию 33 проєктох на териториї Покраїни. Контракт у мено Општини Кула подписал предсидатель Општини Дамян Милянич.
Циль тих укладаньох то ровномирни реґионални розвой, злєпшанє локалней и реґионалней инфраструктури, як и злєпшанє квалитету живота гражданох ширцом Войводини.
Извор: Општина Кула
