Kула, 17.06.2025. – Сезона купаня на базену у рамикох Спортского центра урядово почала соботу 14. юния. Базен будзе отворени кажди роботни дзень од 10 по 18 годзин, а през викенд од 10 по 19 годзин.
Цена уходнїцох остала иста як и прешлого року – дзеци по 7 роки нє плаца уход, дзеци од 7 по 14 роки уход плаца 100 динари, покля цена уходнїци за одроснутих виноши 300 динари. И того року буду орґанизовани додатни змисти, як цо то ноцне купанє и Школа плїваня, о чим гражданє буду благочасово обвисцени.
По словох директора Спортского центру општини Кула Владана Рачича, прешлого року базен нащивели вецей як 35.000 купаче а обчекує ше же того року число нащивительох будзе ище векше.
Извор: Qmedia
