Kула, 04.07.2025. – Прейґ Конкурсу хтори розписує Општина Кула 13 здруженя особох зоз инвалидитетом и пензионерох достали контракти за финансованє своїх проєктох. Тота катеґория окреме значна за нашу општину понеже тоти здруженя зоз своїма активносцами помагаю функционованє и живот найзагроженших катеґорийох нашого жительства.
Контракти представнїком здруженя уручел предсидатель Општини Кула Дамян Милянич, хтори визначел же Општина Кула видвоює вецей як 70 милиони динари за спортски орґанизациї и културу, алє и за здруженя инвалидох, пензионерох, еколоґийни здруженя и тоти хтори пестую традицию народно-ошлєбодительних войнох.
“Тота катеґория окреме значна за нашу, як и за кажду општину. Тоти здруженя зоз своїма активносцами помагаю функционованє и живот найзагроженших катеґорийох нашого жительства. То углавним здруженя хтори маю и просториї хтори на териториї Општини, а на тот способ ше финансую конкретни проєкти хтори вони представели на конкурсу хтори закончени. Прешвечени сом же и того року тоти средства буду похасновани на найлєпши способ и же ше реализує шицко тото цо зарисовали”, гварел предсидатель Општини Кула.
Извор: Qmedia
