Руски Керестур, 04.07.2025. – Традицийни Ноцни турнир у малим фодбалу, єден зоз найстарших у реґиону, того року будзе отримани 52-ги раз а почнє на нєдзелю 6. юлия на терену у Старей школи. И того року турнир позбера любительох фодбалу у трох катеґорийох, сениоре, ветеранє и пионири, а обчекує ше вельке число екипох и добри фодбал под рефлекторами.
Формат змаганя 5+1, а екипи можу приявиц 10 бавячох. Наградни фонд за сениорох виноши 250 тисячи динари, перше место достанє 180 тисячи, друге 50 а треце место 20 тисячи динари.
Ветеранє ше буду змагац за награди хтори хтори ше розподзеля процентуално од вкупней уплати, перше место 50 одсто, друге 30 а треце 20 одсто. Котизация за сениорох виноши 12, за ветеранох 10 а за пионирох 3 тисячи динари.
Пионире народзени медзи 2012. и 2018. роком тиж буду мац нагоду указац свойо схопносци у окремней катеґориї прилагодзеней їх возросту. Орґанизаторе наявюю возбудлїви вечари, квалитетни змаганя, одличну атмосферу як и богату томболу за шицких нащивительох. Тиж так поволую шицких любительох фодбалу най приду потримац спорт, забавиц ше и уживац у лєтних ноцох зоз малим фодбалом.
Извор: Qmedia
