Крущич, 09.07.2025. – У Основней школи „Велько Влахович“ у Крущичу закончени роботи на енерґетичней санациї. Поставена ПВЦ столария, окончена термоизолация простору хтори ше нє зогрива, як и реконструкция нукашнїх инсталацийох за зогриванє. Попри тих роботох, окончена и подполна изолация медзиповерховей конструкциї. Основну школу „Велько Влахович“ обишли предсидатель Општини Кула Дамян Милянич, його помоцнїца Єлена Павков, секретарка Месней заєднїци Крущич Миляна Рабренович и директорка школи Драґица Радманович.
Бешедуюци о роботох, предсидатель Општини визначел же вони барз значни и же идуци крочай то замена котловнїци зоз чим би школа прешла на зогриванє на ґаз.
„Кед слово о вредносци роботох на енерґетичней санациї и замени котловнїци, вона виноши коло трицец милиони динари. Ище вше нє догварена робота коло котловнїци, алє ше наздаваме же средства буду обезпечени прейґ конкурсу а же ше потим почнє робиц на тей фази“, гварел Милянич.
Извор: Qmedia
