Кула, 07.08.2025. – Резерви креви у цалей Сербиї на минимуму, а же би здравствена система нєзавадзано функционовала нєобходне мац голєм резерви за три днї, поручели зоз Институту за трансфузию креви и апеловали на гражданох же би дали крев.
У општини Кула, у орґанизациї Червеного крижа и Заводу за трансфузию креви Войводини, поряднє ше орґанизую акциї добродзечного даваня креви. Кед слово о розпорядку акцийох по конєц рока по населєних местох, вон випатра так:
У Кули акциї буду орґанизовани 17. септембра и 18. децембра, у Червинки ше акциї добродзечного даваня креви отримаю 30. септембра и 29. децембра, у Сивцу 20. октобра, а у Руским Керестуре крев годно дац 23. авґуста и 22. новембра.
Крев можу дац шицки здрави особи од 18 по 65 роки, кед су подполно здрави, нє пию лїки, нє на терапиї су и у предходних шейсцох мешацох нє мали гирурґийни интервенциї.
Извор: Qmedia
