КУЛА, 09.02.2026. – Дом здравя Кула змоцнєл свойо капацитети на терену зоз набавку новей путнїцкей превозки у чиєй реализациї му помогла локална самоуправа. Превозка марки „Шкода“ наменєна патронажней служби у хижним допатраню цо значно злєпша условия за даванє здравственей защити пациєнтом у хижним допатраню.
На тот способ, медицински роботнїки годни ефикаснєйше и швидше обходзиц пациєнтох окреме старших гражданох, хронїчних хоротнїкох и особох хторим потребна здравствена помоц алє нє можу присц до амбуланти.
Зоз Дома здравя Кула нам поручели же у плану у наиходзацим периодзе предлужиц зоз злєпшованьом теренскей роботи же би здравсвена защита була доступна шицким, а окреме тим хтори маю найвецей потреби.
Заняти у Дому здравя Кула, пре траґедиї хтори ше тих дньох случели у Кули, виражели найщирше сочувствиє фамелийом жертвох и поволали шицких хтори маю потребу за розгварку на тоту або гоч хтору другу тему, же би ше явели тиму психолоґох и психиятрох и на таки способ поглєдали одвити на питаня, потримовку и помоц або лєм щиру розгварку у чежких часох.
Окрем у Дому здравя, помоц мож опитац и на числа телефонох 065 8300854, 0638681757, 0638682217, на хтори одвитує фахови тим обучени за таки розгварки. Дзеци у потреби можу и чатовац зоз НАДЕЛ-ом на сайту 116111.rs, поволац число 116111, або заказац онлайн совитованє на сайту svejeok.rs/mladi/podrska.
Извор: Q media
