КУЛА, ЧЕРВИНКА, СИВЕЦ, 04.03.2026. – Општина Кула уходзи до реализациї єдного зоз значнєйших инфраструктуних проєктох у остатнїх деценийох а то проєкт хтори заменї азбестно-циментни циви на релациї Кула-Червинака-Сивец, а по наяви министра за явни укладаня, Дарка Ґлишича, обявена и явна набавка за першу фазу роботи.
Преценєне же вредносц такей явней набавки коло 300 милиони динари а важи за першу фазу роботох у хторей плановане реконструовац 14,3 километри цивох, дзе стари циви буду у цалосци заменєни зоз новима у истей длужини у складзе зоз сучаснима технїчнима стандардами.
Тота фаза ознова повяже 751 ґаздовство односно 2250 гражданох на нови вивоводи и направи ше нови 13 мерни места а то початок заменьованя 80 километри циви на териториї општини Кула. Зоз тим ше злєпша безпечносц системи, зменша ше ризик од гаварийох и рационализує ше трошенє води а тото шицко злєпшаквалитет комуналней услуги за ґражданох.
Источашнє тирваю роботи у Новей Червинки дзе ше ма заменїц 1911 мете водоводней мрежи. Вредносц тей инвестициї 28 милиони динари хтори финансовала Покраїна вдно зоз општину.
У Липару би нєодлуга мало почац заменьованє 3282 метерох водоводней мрежи вредносци 60 милиони динари без порциї,а реализоване є зоз потримовку Покраїнского секретарияту за польопривреду..
Таки инвестицийни рух представя моцне, ефикасне и координоване сотруднїцтво локалней самоуправи зоз републичнима и покраїнскима фондами.
Извор: Q media
