КУЛА, 05.03.2026. – Предсидателька Покраїнскей влади Мая Ґойкович уручела ключи санитетних превозкох зоз провадзацу медицинску опрему директором 22 здравствених установох зоз териториї Автономней покраїни Войводини. Превозки достали 17 здравствени установи медзи котрима и у Кули, Шиду, Суботици и Вербасу.
За тоту наменку, гварела Ґойковичова, зоз покраїнского буджету видвоєне коло 225 милиони динари, а тота инвестиция значно допринєше лєпшому функционованю здравственей системи и здравствених роботнїкох котри ше каждодньово боря за здравє и животи гражданох.
Дзекуюци тому, як гварела директорка Дому здравя Кула, Весна Томич, робота урґентних екипох будзе значно злєпшана, а та тот способ видно же яки значни услуги здравства у нашей општини а зоз тим обезпечени вигоднєйши условия за роботу, квалитет услогох, лєпши резултати и задоволнєйши пациєнти.
Извор: Q media
