ДИЛЕМИ ПОЛЬОПРИВРЕДНЇКОХ У ВЯЗИ СУБВЕНЦИЙОХ

БЕОГРАД, 24.03.2026. – Министер польопривреди, Драґан Ґламочич виявел же по тераз придати коло 260000 вимоги за Явну поволанку за субвенциї у основней польопривредней продукциї, а 210000 виплацени покля ше за гевти чека одреканє од правох на пригварку. Пенєж сцигнє пред шатву, а даєдни ше людзе и нє приявели бо знаю же нє годни оправдац средства. То тоти цо наисце нє обрабяю жем цо ю приявели. 18000 мож лєгко оправдац. Пред єшеньску шатву будзе друга часц субвенцийох, а вона нє єднака за шицких. Тоти цо уводза залївни системи, антифрост системи або мрежи вони достаню вецей, бо вецей и укладаю. Тоти субвенциї по правилнїку нє важа за пажици, луцерку, бетелїну и ароматични рошлїни, нє важа малих польопривреднїкох и тих на Косове.

Министер гварел и же иснує можлївосц за пременки равилнїкох кеде же нє буду функционовац як треба. За малих продуковательох за тераз оредвидзени период прилагодзованя та рахунки нє буду мушиц правдац за тераз тоти цо маю до 10 крави, 50 овци або кози, 15о кошнїци, 30 прашачки. Статкаре буду мац ширши спектер правданя средствох зк на приклад ветеринарски услуги, пожива, лїки и так далєй. Найдземе ришеня за шицко бо нам циль же би шицки цо наисце робя и достали субвенциї и тоти цо наисце и робя нє треба же би ше бали.

На початку рока министерство обявело календар Явних поволанкох та виплацованє идзе так по таким шоре же би субвенциї помогли польопривреднїком на час.

Тераз на шоре субвенциї за животинї за каремнє, за квалитетни приплодни животинї а од першого априла обчекуєме конкурс за перши квартал премиї за млєко, по динамики хтора предвидзена пре буджет бо ше и вон полнї и пражнї.

Же би тоти субвенциї були потрошени на прави способ, влада планує и контролу у вецей крочайох, а перша то рахунки. Будзе ше контроловац одредзени ґаздовства. Зоз министерства апеловали же би шицки цо жем хасную тоту жем и приявели та тераз годни и вони достац субвенциї. Будзе турбуленциї  контрола муши исновац бо пенєж треба же би сцигнул ґу правим польопривреднїком.

З оглядом на турбуленциї на тарґовищу зоз нафту и горивом вообще, велї польопривреднїки маю дилему же чи будзе достаточно горива за продукцию.

Горива єст досц за идуци 3 та и 6 мешаци бо сцигує до держави порядно. Цена за польопривреднїкох и далєй нїзша за 31 динар, кед же и далєй будзе роснуц бо криза велька, за польопривреднїка гориво нє будзе коштац вецей як 181 динар. Врацанє акцизи будзе 57.63 динари. Увезли зме и достаточне количество штучного гною. Нє вивожи ше тото цо ше у Сербиї продукує та за нас маме.

Нова система правданя субвенцийох ма за циль же би ше средства потрошели на прави способ и же стигли ґу тим хтори наисце робя. Зоз контролу и можлївосцу прилагодзованя правилнїкох, держава поручує же ше глєда баланс медзи дисциплину и птримовку. Конєчно, ключ и у довирю — теди будзе наисце добре кед польопривреднїки буду сиґурни же система роби у їх интересу.

Извор: Q media