ЧЕРВИНКА, 17.04.2026. – Уж почали пририхтованя за традицийни „Сладки днї“ у Червинки а того року буду отримани од осмого по дзешати май. Главна атракция и тераз буду три вельки концерти та на пияток 8. мая наступи такволана Бресквица, на соботу 9. мая шпивац будзе Саша Ковачевич а на нєдзелю 10. мая Теа Таирович.
Окрем музичней часци, манифестация понукнє богату забавну, фамелийну и спортску програму у хторей годни участвовац шицки заинтересовани. Под час манифестациї, буду поставени штанди зоз лакотками и рижнима єдлами хтори порихтаю рижни здруженя и дробни продукователє.
Манифестацию потримали Яфа Червинка, Општина Кула и єй Туристична орґанизация, Месна заєднїца Червинка, ИПЦ Кула, ЯКП Водовод, Апатинска пивара, цукрарня Червинка и други спонзоре.
Извор: Q media
