КУЛА, 23.04.2026. – Дом здравя Кула предлужує драгу ґу унапредзoваню превентивних защитних мирох а єдна зоз найзначнєйших новосцох то поцагованє старосней гранїци за ХПВ вакцину та ю тераз годни достац людзе старосци по 45 роки.
Директорка Дома здравя, др Весна Томич, гварела же акцент и тей мири превенция. Пациєнти хтори маю по 26 роки старосци можу ше вакциновац так же ше явя ґу вибраному лїкарови а од 27 до 45 рокох за вакционованє им потребна препорука лїкара специялисти, найчастейше дерматолоґа, уролоґа або ґинеколоґа.
Вона наглашела же окреме значна превенция ризичних ґрупох маюци у оглядзе директну повязаносц ХПВ инфекциї зоз карциномом гарлочка плоднїци и високи ризик од шмертельносци при младших женох кед ше нє одреаґує правочасно.
Зоз тоту миру вакцини доступни и єст их у амбуланти а лїкаре порихтани помогнуц пациєнтом.
Извор: Q media
