КУЛА, 29.07.2026. – „Кулска реґата“ – дводньова спортско-рекреацийна манифестация за весланє по Вельким Бачким каналу, будзе отримана 28. и 29. авґуста. Орґанизатор, Омладинске здруженє „Видри“, обчекує рекордне число учашнїкох, а прияви за учесц уж отворени.
Першого дня учашнїки буду веслац зоз Зомбора до Малого Стапару, дзе за нїх обезпечена музична програма и кампованє. Другого дня реґата предлужи свою драгу по каналу до Кули.
Цала траса реґати длужини 40 километри, а тота манифестация уж традицийно зазберує любительох весланя, природи и активного одпочивку зоз цалей Сербиї, як и зоз реґиону.
Шицки хтори ше интересую за учесц, прияви и додатни информациї можу достац на телефонским числу 069/261-09-85.
Орґанизатор спозорює же число местох є ограничене.
Извор: Q media
