КУЛА, 3. 8. 2026. – Републички гидрометеоролоґийни завод Сербиї (РХМЗ) видал спозоренє на длугу цеплотну габу на териториї Сербиї. Обчекує ше же максимална температура будзе од 35 до 38 ступнї, а локално и по 40 ступнї.
Актуални приґнози наявюю же цеплотна габа будзе найвираженєйша у периодзе од 5. до 8. авґуст, кед ше у векшини местох обчекує максимална дньова температура коло 40 ступнї. У Войводини и у Беоґрадзе прогнозую ше и тропски ноци.
У периодзе од 8. до 13. авґуста интензитет горучави ослабнє пре локални нєстабилносци на дньови максимуми од 30 до 35 ступнї, а по тим ше ознова обчекує рост температури и наставок цеплотней габи.
Нєвигода биометеоролоґийна ситуация може погоршац звичайни здравствени почежкосци при хронїчних хоротнїкох и чувствительних особох. прето ше їм радзи осторожносц, же би ше притримовали совитох доктора, зменьшали физичну активносц и же би хасновали одвитну защиту од УВ зарйовання. При метеоропатох можлїви поремеценя сна, зменьшана роботна способносц. Учашнїком у транспорту ше препоручує векша концентрация и осторожносц.
