КУЛА, 3. 8. 2026. – Институт за трансфузию креви Сербиї сообщел гражданом же резерви креви на минимуму и поволали добродзечних давательох креви, же би помогли же би ше количества креви за трансфузию звекшали.
Добродзечни давателє креви можу буц шицки здрави особи од 18 по 65 роки старосци без терапиї, хтори нє хасную лїки и нє мали гирурґийни интервенциї остатнї пол рока.
У орґанизациї Червеного крижа и Заводу за трансфузию креви Войводини, порядно ше орґанизую акциї добродзечного даваня креви а у општини Кула шлїдуюци буду у Кули: 16. септембра и 16. децембра, у Червинки: 1. октобра и 29. децембра, у Сивцу: 19. октобра, а у Керестуре: 22. авґуста и 21. новембра.
