КУЛА, 09.09.2026. – Компания „Фиорано“ предлужи зоз свою роботу на териториї општини Кула, потвердзел предсидатель Скупштини општини Кула Велибор Милоїчич, хтори наведол же го о тим поинформовала директорка тей компаниї Аида Делкич.
Нє так давно ше у явносци ширели информациї о тим же тота фирма завре свою дїловнїцу у Кули медзитим, накадзи тоти информациї дошли по представнїкох локалней самоуправи, исти контактовали зоз Министерством приреди а потим бешедовали и зоз представнїками тей компаниї.
Компания Фиорано отворена 2018. року а хвильково там заняти коло 350 роботнїки, и як наведол Милоїчич, дїлованє тей фирми ше предлужи.
У явносци ше зявели информациї же Фиорано достал од општини парцелу на хторей збудовани будинок алє то нє правда бо иста компания тоту парцелу купела по тарґовишней цени а и тото же за машини и опрему достала субвенциї нє правда, гварел Милоїчич.
Милоїчич похвалєл єй одвичательне справованє под час пандемиї кед ше компания “Фиорано” одволала на поволанку локалней самоуправи и зошила вельке число защитних маскох хтори були дистрибуовани гражданом.
Извор: Q media
