СРБИЈА, 21.09.2026. – Шицки полнолїтни гражданє Републики Сербиї хтори здобули гласацке право, можу превериц чи су уписани до Єдинственого гласацкого списку за наступни парламентарни виберанки 25. октобра онлайн, прейґ порталу Министерства державней управи и локалней самоуправи на адреси https://upit.birackispisak.
На истим порталу єст ище даскель можлївосци – превериц число уписаних гласачох на конкретней адреси, и провадзиц пременки числа гласачох уписаних у Єдинственим гласацким списку.
Термин за заключенє Єдинственого виберацкого списку и утвердзованє вкупного числа гласачох виходзи 9. октобра. Гражданє можу по 9. октобер, односно по заключенє Виберацкого списку, придац вимогу општинскей лєбо городскей комисиї за уписованє лєбо вименку уписа до виберацкого списку.
Извор: Q media
